خه‌ڵكی قه‌زای ئیداره‌ی راپه‌رین به گشتی و قه‌زای پشده‌ر به تایبه‌تی نیگه‌رانن له‌وه‌ی ئێرانێكی بچووك له ناوچه‌كه دروست ببێت و منداڵه‌كانیان ببنه به‌كارهێنه‌ری ماده هۆشبه‌ره‌كان و ئاڵوده ببن به‌و ماددانه.
بۆ ئه‌م مه‌به‌سته‌ش زۆر سكاڵا كراوه‌و هاوڵاتیان داوا ده‌كه‌ن رێوشوێنی یاسایی بگیرێته به‌ر بۆ نه‌هێشتنی ئه‌و بازرگانییه كوشنده‌یه و ده‌ستگیركردنی بكه‌ره‌كانی.
له‌و چه‌ند مانگه‌ی دواییدا و به تایبه‌ت دوای 16ی ئۆكتۆبه‌ر بازرگانی كردن به ماده‌ی هۆشبه‌ر زۆر زیادی كردووه‌و بووه‌ته زه‌نگێكی مه‌ترسیدار له‌سه‌ر ناوچه‌كه.
خه‌ڵكانێكی زۆر له خه‌ڵكی بناری قه‌ندیل و گونده سه‌ر سنوورییه‌كان تا پێش مه‌رزی ناوخۆی كێلێ سه‌رقاڵی بازرگانی كردنن به مادده هۆشبه‌ره‌كان به هه‌موو جۆره‌كانییه‌وه .
چه‌كدارانی پارتی كرێكارانیش به سه‌ندنی نیوه‌ی یا به‌شێكی زۆری قازانج شه‌ریكن له‌و مامه‌ڵه بازرگانیانه و رێگاكانی بازرگانی بۆ ئاڵوگۆری مادده‌كان له سه‌ر سنووری باشوورو رۆژهه‌ڵات ده‌كه‌نه‌وه.
کۆمێنت (0)
تا ئێستا هیچ کۆمێنتێک نەکراوە.