رۆژی هه‌ینی رابردوو ئێد رۆیس نوێنه‌ری ویلایه‌تی كالیفۆرنیای ئه‌مریكا له ئه‌نجومه‌نی نوێنه‌رانی ئه‌مریكادا ره‌شنووسی بڕیارنامه‌یه‌كی بڵاوكرده‌وه كه تیایدا پشتیوانی له مافی راده‌ربڕین بۆ هاوڵاتییانی ئێران ده‌كات كه له‌م چه‌ند رۆژه‌ی دواییدا حكومه‌تی ئه‌م وڵاته به چه‌ندین شێوازی جۆراوجۆر ئه‌و مافه‌ی لێیان سه‌ندووه‌ته‌وه.
له بڕیارنامه‌كه‌دا وێڕای ئیدانه‌كردنی ره‌فتاره‌كانی كۆماری ئیسلامیی ئێران له به‌رامبه‌ر خۆپیشانده‌ران، ئه‌وه‌ش ئاشكرا ده‌كات كه كۆنگرێس مۆڵه‌تی ره‌وانه‌كردنی ته‌كنه‌لۆژیای زانیاریی بۆ ئێران ده‌ركردووه به مه‌به‌ستی ئه‌وه‌ی هاوڵاتییانی ئێران بتوانن به ئازادیی و به‌بێ سانسۆڕ رای خۆیان له‌باره‌ی رووداوه‌كانی ناو وڵاته‌كه‌یان ئاشكرا بكه‌ن.
له بڕیارنامه‌كه‌دا هه‌روه‌ها سزا خراوه‌ته سه‌ر سوپای پاسداران و به‌رپرسانی دیكه‌ی حكومه‌تی ئێران، كه به‌گوێره‌ی بڕیارنامه‌كه ئه‌وانه به شێوه‌ی سیسته‌ماتیك مافه‌كانی هاوڵاتییانی ئێران پێشێل ده‌كه‌ن و رێگه له به‌ڕێوه‌چوونی كۆبوونه‌وه‌ی مه‌ده‌نیانه ده‌گرن.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.