شه‌پۆلێكی سه‌ختی سه‌رما و سۆڵه كه له هه‌ردوو ده‌ریای ره‌ش و ده‌ریای ناوه‌ڕاست هه‌ڵیكردووه، ناوچه‌كانی كوردستانی گرتووه‌ته‌وه و تا سبه‌ی شه‌ممه كاریگه‌ری له‌سه‌ر هه‌رێمی كوردستان ده‌مێنێت.
به‌م هۆیه‌شه‌وه چاوه‌ڕوان ده‌كرێت پله‌ی گه‌رمی به‌شێوه‌یه‌كی به‌رچاو روو له دابه‌زین بكات و بگاته ژێر سفری سیلیزی، هاوكات له ناوچه شاخاوییه‌كانیش پێشبینی باران و به‌فربارین ده‌كرێت.
به‌هۆی هه‌ڵكه‌وته‌ی جوگرافی ئه‌و شه‌پۆڵه له ئێستادا به‌شێكی وڵاتانی ئیسرائیل، لوبنان، سووریا و تورکیای گرتووه‌ته‌وه، پێده‌چێت كاریگه‌ری زۆری له‌سه‌ر ئه‌و وڵاتانه هه‌بێت.
هاوكات پێشبینی ده‌كرێت ئه‌و شه‌پۆڵی سه‌رماوسۆڵه‌یه‌ی كه ئێستا باشوور و رۆژهه‌ڵاتی كوردستانی گرتووه‌ته‌وه تا سبه‌ی به‌رده‌وام بێت و له رۆژانی دواتر به‌ره‌و كه‌مبوونه‌و بڕوات.
له دوای حه‌وتی مانگیش شه‌پۆڵه‌كه به‌ره‌و وڵاتی ئه‌فغانستان ده‌ڕوات و گاریگه‌رییه‌كه‌ی له‌سه‌ر كوردستان به‌ته‌واوی نامێنێت.
کۆمێنت (0)
تا ئێستا هیچ کۆمێنتێک نەکراوە.