گوتەبێژی پۆلیسی دهۆک ئاماری رووداوەکانی ساڵی رابردووی راگەیاند، کە بەپێی ئامارەکە 13 هەزار سکاڵا تۆمارکراون و 120 تۆمەتباریش دەستگیرکراون.
لە کۆنگرەیەکی رۆژنامەوانیدا، هێمن سلێمان، گوتەبێژی پۆلیسی دهۆک رایگەیاند، ساڵی رابردوو 143 هەزار و 552 کەس سەردانی بەڕێوەبەرایەتیی پۆلیسی دهۆکیان کردووە. ئەوەش لەڕێگەی سیستەمێکی نوێوە دەزانن، کە تاکە بەڕێوەبەرایەتی پۆلیسن لەسەر ئاستی عێراق کار بەو سیستەمە دەکەن.
گوتەبێژی پۆلیسی دهۆک رایگەیاند، لەڕێگەی بەڕێوەبەرایەتییەکەیانەوە بڕی 180 هەزار دۆلار گەڕێندراوەتە بۆ خاوەنەکانیان.
بەگوتەی هێمن سلێمان لە ساڵی رابردوودا 13 هەزار و 297 سکاڵا تۆمارکراون و لە 97%ی سکاڵاکان کۆتاییانهاتووە. هاوکات 120 تۆمەتبار دەستگیرکراون.
کۆمێنت (0)
تا ئێستا هیچ کۆمێنتێک نەکراوە.