ئاماری قوربانییانی خۆپیشاندانه‌كانی ئێران بۆ 23 كوژراو و ده‌یان بریندار به‌رزبووه‌وه. خامنه‌ییش ڕایگه‌یاند: دوژمنان ده‌یانه‌وێت زیان به ئێران بگه‌یه‌نن و له كاتی خۆیدا قسه له‌باره‌ی ڕووداوه‌كانه‌وه ده‌كات.
به‌پێی میدیا ئێرانی و جیهانییه‌كان، تا ئێستا 23 كه‌س له خۆپیشاندانه‌كانی ئێراندا كوژراون، كه دوان له‌وانه ئه‌ندامی هێزه ئه‌منییه‌كان و دوانی دیكه‌شیان قوتابی بوون.
سه‌باره‌ت به ئاماری ده‌ستگیركراوانیش، عه‌لی ئه‌سغه‌ر ناسربه‌خت، جێگری قائمقامی قه‌زای ناوه‌ندی تاران بۆ كاروباری سیاسی و ئه‌منی، ڕایگه‌یاند: ته‌نها له تاران به‌لای كه‌مه‌وه 450 كه‌س ده‌ستگیر كراون.
هه‌روه‌ها ئایه‌تووڵڵا عه‌لی خامنه‌یی ڕێبه‌ری شۆڕشی ئێران، ڕایگه‌یاند: دوژمنان ده‌یانه‌وێت به پیلانه‌كانیان زیان به ئێران بگه‌یه‌نن. خامنه‌یی وتیشی قسه‌ی خۆی له‌باره‌ی ڕووداوه‌كانه‌وه هه‌یه و له كاتی خۆیدا په‌یامی ده‌بێت.
له لایه‌كی دیكه‌وه ئیسماعیل كه‌وسه‌ری، جێگری فه‌رمانده‌ی قه‌رارگه‌ی ساره‌ڵڵای سوپای پاسداران، ڕایگه‌یاند: تا ئێستا سوپای پاسداران تێكه‌ڵ به ڕووداوه‌كان نه‌بووه، هۆشداریشی‌دا له‌وه‌ی كه به‌شداریكردنیان له بارودۆخه‌كه‌دا یه‌كلاییكه‌ره‌وه ده‌بێت.
کۆمێنت (0)
تا ئێستا هیچ کۆمێنتێک نەکراوە.