سه‌باح ته‌میمی: له‌کارکه‌وتنی ئامێره‌کانی فرۆکه‌خانه‌ی به‌غدا به‌هه‌ده‌ردانی سامانی گشتییه‌

ئه‌ندامێكی ئه‌نجومه‌نی نوێنه‌رانی عێراق رایده‌گه‌ێنێ، له‌كاركه‌وتنی به‌شێك له‌ ئامێره‌كانی فرۆكه‌خانه‌ی نێوده‌وڵه‌تی به‌غدا به‌هه‌ده‌ردانی سامانی گشتییه‌.

سه‌باح ته‌میمی، ئه‌ندامی لێژنه‌ی خزمه‌تگوزارییه‌كان له‌ ئه‌نجومه‌نی نوێنه‌رانی عێراق به‌ سۆمه‌رییه‌ی رایگه‌یاندووه‌: چه‌ند ئامێرێكی فرۆكه‌خانه‌ی نێوده‌وڵه‌تی به‌غدا له‌ كاركه‌وتوون و ئه‌مه‌ش وایكردووه‌ كه‌ كۆمپانیاكانی فرۆكه‌وانی قه‌ته‌ری و توركی گه‌شته‌كانیان بۆ فرۆكه‌خانه‌ی نێوده‌وڵه‌تی به‌غدا هه‌ڵبوه‌شێننه‌وه‌.

هه‌روه‌ها گوتی: جووڵه‌ی فرۆكه‌وانی فرۆكه‌خانه‌ی به‌غدا سستی تێكه‌وتووه‌و بۆته‌ هۆی ئه‌وه‌ی زیانێكی ئابووری گه‌وره‌ به‌ر سامانی گشتی وڵات بكه‌وێ و وێنه‌ی عێراق بشیوێنێ