ڤیچێنزۆ مۆنتێلای ئیتاڵی و ڕاهێنه‌ری پێشووی یانه‌ی ئه‌ی سیی میلان به‌فه‌رمی به ڕاهێنه‌ری یانه‌ی سیڤیلیه ده‌ستنیشانكرا.
ئیداره‌ی یانه‌ی سیڤیلیه ڕایگه‌یاند كه گرێبه‌ستێكیان له‌گه‌ڵ مۆنتێلا واژووكردووه‌و به‌گوێره‌ی گرێبه‌سته‌كه‌ش ئه‌م ڕاهێنه‌ره تا هاوینی ساڵی دووهه‌زارونۆزده سه‌رپه‌رشتی مه‌شقی یانه‌كه وه‌رده‌گرێت و به‌م نزیكانه‌ش به‌فه‌رمی له پۆسته نوێیه‌كه‌یدا ده‌ستبه‌كار ده‌بێت.
مۆنتێلای ته‌مه‌ن چلوسێ ساڵ له‌م ئه‌ركه‌یدا شوێنی ڕاهێنه‌ر ئیدواردۆ پێریزۆ ده‌گرێته‌وه كه به‌م دواییه‌و به‌هۆی ئه‌نجامه خراپه‌كانی سیڤیلیه، له ئه‌ركه‌كه‌ی دوورخرایه‌وه.
پێشتریش ئیداره‌ی سیڤیلیه ڕایگه‌یاندبوو كه پێریزۆ دووچاری نه‌خۆشی شێرپه‌نجه‌ی پرۆستات هاتووه.
کۆمێنت (0)
تا ئێستا هیچ کۆمێنتێک نەکراوە.