به‌رپرسانی فه‌یسبووك، تایبه‌تمه‌ندییه‌كیان بۆ تۆڕه‌كه‌یان زیاد كرد، كه له‌مه‌وپاش وێنه‌ی هه‌ر كه‌سێك له هه‌ر شوێنێكی فه‌یسبووك بڵاو بكرێته‌وه، ئه‌گه‌ر تاگیش نه‌كرابێت، فه‌یسبووك به‌پێی دۆزینه‌وه‌ی شێوه‌ی ئه‌و كه‌سه، ئاگاداركردنه‌وه‌یه‌ك بۆ ئه‌و كه‌سانه ده‌نێرێت، كه وێنه‌كه‌یان بڵاو كراوه‌ته‌وه.
ئه‌م تایبه‌تمه‌ندییه نوێیه‌ی فه‌یسبووك، به‌شێوه‌یه‌كی خۆكاری (ئۆتۆماتیكی) كار ده‌كات، بۆ نموونه: ئه‌گه‌ر كه‌سێك، یان په‌یجێك وێنه‌یه‌كی كه‌سێكی بڵاو كرده‌وه، به‌ڵام تاگی نه‌كرد، فه‌یسبووك ئاگاداركردنه‌وه‌یه‌كی بۆ ده‌نێرێت و پێی ڕاده‌گه‌یه‌نێت، كه وێنه‌ی له‌و شوێنه‌ی فه‌یسبووك، بڵاو كراوه‌ته‌وه.
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.