پەرلەمانی کوردستان، رایدەگەیەنێت، سبەینێ سەرۆکی حکومەت و جێگرەکەی و وەزیری سامانە سروشتییەکان و بریکاری وەزارەتی دارایی بەوەکالەت دێنە پەرلەمان و لەگەڵ دەستەی سەرۆکایەتی پەرلەمان کۆدەبنەوە.
تارق جه‌وهه‌ر سارمه‌می، راوێژكارى راگه‌یاندنی سه‌رۆكایه‌تیی په‌رله‌مانی كوردستان، تایبه‌ت به سایتی په‌رله‌مانی كوردستانی راگه‌یاند: بڕیاره پێشنیوەڕۆی سبەی چوارشه‌مه 2017/12/13، کۆبوونەوەیەکی هاوبەش لە نێوان سەرۆکایەتیی پەرلەمان و سەرۆکایەتیی حکومەتی هەرێمی کوردستان لە ته‌لارى پەرلەمان بەڕێوە بچێت و بڕیارە هەریەک لەسەرۆکوەزیران و جێگره‌كه‌ی و وەزیری سامانە سروشتییەکان و وەزیری پلاندانان و وەزیری دارایی بەوەکالەت و سەرۆک و جێگر و بڕیاردەری لیژنەکانی تایبەت بەم سێ وەزارەتە بەشداری بکەن.
جێی باسە لە 27ی نیسانی 2015 ەوە ئەمە یەکەم کۆبوونەوەی هاوبەشی نێوان هەردوو سەرۆکایەتیی پەرلەمان و حکومەتی هەرێمە.
کۆمێنت (0)
تا ئێستا هیچ کۆمێنتێک نەکراوە.