حه‌سه‌ن رۆحانی سه‌رۆك كۆماری ئێران له كاتی وتاردان له‌سه‌ر ره‌شنووسی بودجه‌ی ساڵی داهاتووی وڵاته‌كه‌یدا وتی كه ئه‌گه‌ر بێت و سعوودیا هه‌ڵوێسته سیاسیه‌كانی خۆی بگوڕێت، ئێران ئاماده‌یه گفتوگۆ له‌سه‌ر باشتر كردنی په‌یوه‌ندییه‌كانی خۆی له‌گه‌لأ ئه‌م وڵاته‌دا بكات.
حه‌سه‌ن رۆحانی هه‌روه‌ها وتیشی كه وڵاته‌كه‌ی به مه‌رجێك په‌یوه‌ندیی له‌گه‌ڵ سعوودیا درووست ده‌كاته‌وه كه ئه‌م وڵاته بۆردومانه‌كانی بۆسه‌ر یه‌مه‌ن راگرێت و هه‌وڵبدات په‌یوه‌ندییه‌كانی له‌گه‌ڵ ئیسڕائیل بپچڕێنێت.
جێگه‌ی ئاماژه‌یه كه ئێران و سعوودیا له‌م ساڵانه‌ی دواییدا په‌یوه‌ندییه‌كانیان به‌ره‌و ئاڵۆزیی په‌لی هاویشتووه. ئه‌وه‌ش دوای هه‌ڵكوتانه سه‌ر باڵیۆزخانه و كۆنسوڵگه‌ریی سعوودیا له‌ناو ئێران روویدا. هه‌ڵبه‌ت جیا له‌وه‌ش كه سعوودیا ئێران به ده‌ستوه‌ردان له كاروباری ناوخۆی وڵاتانی ناوچه‌كه تۆمه‌تبار ده‌كات.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.