دۆناڵد ترەمپ سەرۆكی ئەمریكا ، هۆكاری دەستتێوەردانی روسیا و ئێران لە كاروباری سوریا ئاشكرا دەكات و هۆكارەكەشی بۆ باراك ئۆباما سەرۆكی پێشووی ئەمریكا دەگەرێنێتەوە .
ترەمپ لە وتارێكیدا بۆ ژمارەیەك لە لایەنگرانی لە ویلایەتی فلۆریدا ، روونیكردەوە كە ئەمریكا خۆی بە لاواز بینی و هەروەها هێڵی سووری نەبەزاند ، ئەگەر ئەو هێڵەمان ببەزاندبا ئەوا روسیا و ئێران نەیاندەتوانی بێنە ناو سوریا . ترەمپ راشیگەیاند كە هەر یەكەو لە روسیا و ئێران هێلی سووریایان بەزاند ، بێ ئەوەی هیچ روونكردنەوەیەك بدات ، ترەمپ گوتی ئۆباما هیچی نەكرد بۆیە روسیا و دواتر ئێران هاتنە ناو سوریا .
ئەمریكا ساڵی 2013 هەڕەشەی بەكارهێنانی هێزی سەربازی كرد ، دوای ئەوەی حكومەتی سوریای تۆمەتباركرد بەبەكارهێنانی چەكی كیمیایی ، بەڵام ئەمریكا هەڕەشەی خۆی بەجێنەگەیاند چونكە روسیا پێشنیاری كرد كە چۆن ئەو چەكە كیمیاییە لە وسوریا لە ناو ببات .
لە ساڵی 2015 ـەش فرۆكەكانی روسیا هێرشیان كردە سەر مۆڵگەی تیرۆریستانی داعش لە سوریا وەك بەهاناوە هاتنی داوای بەشار ئەسەدی سەرۆكی سوریا
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.