سه‌ركرده‌ی بزووتنه‌وه‌ی نوجه‌با له عێراق، سه‌رۆكی ئه‌مریكا به‌گه‌مژه ناو ده‌بات و ده‌شڵێ بڕیاره‌كه‌ی ترامپ به ناساندنی قودس وه‌ك پایته‌ختی ئیسرائیل، ده‌كرێ ببێته هۆكارێكی رێگه‌پێدراو بۆ هێرشكردنه سه‌ر هێزه‌كانی ئه‌مریكا له عێراق.
به پێی هه‌واڵێكی ئاژانسی رۆیته‌رز ئه‌مرۆ پێنج شه‌ممه 7-12-2017 ئه‌كره‌م كه‌عبی، سه‌ركرده‌ی بزووتنه‌وه‌ی نوجه‌با له عێراق، كه یه‌كێكه له گرووپه‌كانی میلیشیاكانی حه‌شدی شه‌عبی رایگه‌یاندووه: بڕیاره‌كه‌ی دۆناڵد ترامپ، سه‌رۆكی ئه‌مریكا به ناساندنی قودس وه‌ك پایته‌ختی ئیسرائیل، ده‌كرێ ببێته هۆكارێكی رێگه‌پێدراو بۆ هێرشكردنه سه‌ر هێزه‌كانی ئه‌مریكا له عێراق.
هه‌روه‌ها كه‌عبی ، سه‌رۆكی ئه‌مریكا به‌گه‌مژه ناو ده‌بات و بڕیاره‌كه‌شی ترامپ وه‌ك پرێشكێكی گه‌وره بۆ هه‌ڵكه‌ندنی ئیسرائیل له لاشه‌ی ئوممه‌تی ئیسلامی ده‌بینێ.
وه‌رگێڕانی: رزگار
کۆمێنت (0)
تا ئێستا هیچ کۆمێنتێک نەکراوە.