ئەمڕۆ چوارشەممە 6/12/2017، لەگەڵ ھاتنی شەپۆلێکی سەرما و سۆڵە بۆ ھەرێمی کوردستان دەزگای خێرخوازیی بارزانی، بە ھاوکاری LDSی ئەمریکی چالاکییەکی بۆ خێزانە کەرکووکی و خورماتووییەکان بەڕێوەبرد و لەو چالاکییەدا بەتانی و پێڵاوی بەسەر 500 خێزاندا دابەش کرد.
بەشێکی زۆری ئەو خێزانانەی کە بەھۆی شەڕ و ئاڵۆزییەکانەوە ماڵ و حاڵی خۆیان بەجێھێشتووە، بە ھۆی سەرما و باوبۆرانەوە بارگرانییەکانی سەریان زیاتر دەکات و (دەزگای خێرخوازیی بارزانی)ش بەپێی توانای و بە ھەماھەنگی رێکخراوە جیھانییەکان بە پێدانی کەلوپەلی پێویست ھەوڵ دەدات بەشێک لەو بارگرانییە لەسەر خێزانەکان کەم بکاتەوە.
کۆمێنت (0)
تا ئێستا هیچ کۆمێنتێک نەکراوە.