Erbil 36°C چوارشەممە 24 تەمووز 22:07

ھێزە ئەمنیەکان و حەشدی شەعبی بەشداری ھەڵبژاردنەکان دەکەن

كۆمسیۆن مۆڵەتی بەشداریكردنی 5 پارتی دیكەی لە ھەڵبژاردنەكان پەسندكرد
کوردستان TV
100%

کۆمسیۆنی باڵای ھەڵبژاردنەکان رایگەیاند: ھێزە ئەمنییەکان و حەشدی شەعبی، مافی دەنگدانیان لە ھەڵبژاردنی داھاتوودا ھەیە، هه‌روه‌ها ئەحمەد رەحیم بشارە، ئەندامی كۆمسیۆنی باڵای ھەڵبژاردنەكانی عێراق رایگەیاند: كۆمسیۆن مۆڵەتی بەشداریكردنی 5 پارتی دیكەی لە ھەڵبژاردنەكانی داھاتوودا پەسندكرد.

کەریم تمێمی وتەبێژی کۆمسیۆنی باڵای سەربەخۆی ھەڵبژاردنەکان لە راگەیاندراوێکدا بڵاویکردەوە: بەپێی دەستوور، ھێزە ئەمنییەکان و حەشدی شەعبی مافی بەشداریکردنیان لە پڕۆسەی دەنگدانی ھەڵبژاردنی داھاتووی پەرلەمانی عێراق ھەیە، ھەروەک داواشی لە ئاژانسەکانی راگەیاندن کرد، بە وریایی و راستگۆیی زانیارییەکانی تایبەت بە ھەڵبژاردنی داھاتووی پەرلەمان بگوازنەوە.

کەریم تمێمی لەبەشێکی تری راگەیاندراوەکەدا وتیشی: کۆمسیۆنی باڵای سەربەخۆی ھەڵبژاردنەکان، سەرجەم رێوشوێنەکانی تایبەت بە سەرخستنی پرۆسەی ھەڵبژاردنی داھاتوو، گرتۆتەبەر.

له‌لایه‌كی دیكه‌وه‌ ئەحمەد رەحیم بشارە، ئەندامی كۆمسیۆنی باڵای ھەڵبژاردنەكانی عێراق رایگەیاند، كۆمسیۆن مۆڵەتی بەشداریكردنی 5 پارتی دیكەی لە ھەڵبژاردنەكانی داھاتوودا پەسندكرد، كە بریتین لە بزوتنەوەی ئازادی كۆمەڵگەی كوردستان، بزوتنەوەی ئیسلامی عێراق، بزوتنەوەی نور، راپەرین و گۆڕان و پارتی وەتەنی ئەوەلەن.

ئەو ئەندامەی كۆمسیۆن ئاماژەی بۆ ئەوەكرد، ئەو پارتە سیاسیانە تەواوی رێكارە یاسایی و رێنماییەكانی كۆمسیۆنیان لەبارەی برگەكانی یاسای پارتە سیاسییەكان جێبەجێكردووە، كەلەلایەن ئەنجوومەنی نوێنەرانەوە داڕێژراون.

 

عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.