وه‌زیری گواستنه‌وه و گه‌یاندنی حكومه‌تی هه‌رێمی كوردستان رایده‌گه‌ێنێ، داخستنی فرۆكه‌خانه‌كان به‌ته‌نها زیانی بۆ هه‌رێمی كوردستان نه‌بووه، به‌ڵكو زیانی گه‌وره به‌ر كۆمپانیاكان و ته‌نانه‌ت هێزه‌كانی هاوپه‌یمانان و یوئێنیش كه‌وتووه.
مه‌ولود باوه‌موراد، وه‌زیری گواستنه‌وه و گه‌یاندنی حكومه‌تی هه‌رێمی كوردستان به به‌شی كوردی ده‌نگی ئه‌مریكای رایگه‌یاند: نازانم كه‌ی فڕۆكه‌خانه‌كانی هه‌رێمی كوردستان به‌ڕووی گه‌شته نێوده‌وڵه‌تیه‌كاندا ده‌كرێته‌وه چونكه خه‌ڵكی كوردستان ده‌زانن له‌یه‌كه‌م ڕۆژه‌وه هه‌موو ڕاستیه‌كانم خستۆته به‌رده‌میان و وه هه‌وڵی جدیم داوه ته‌نانه‌ت به‌هه‌موو جۆره‌كانی په‌یوه‌ندی،په‌یوه‌ندی ده‌كه‌ین به وه‌زیری گواستنه‌وه‌ی عێراقه‌وه به‌ڵام ئه‌و ده‌ڵێت : له‌ده‌ست سه‌رۆكی ئه‌نجومه‌نی وه‌زیرانی عێراقه، ئه‌ویش وه‌ڵام ناداته‌وه.
ئاشكراشیكرد ، كه هه‌رێمی كوردستان په‌نای بردۆته به‌ر ئه‌و ڕێگا چاره نێوده‌وڵه‌تیانه‌ش به‌ڵام ئه‌وان به‌ته‌نها گوتیان :مه‌له‌فه‌كه‌مان به‌ده‌ست گه‌یشتووه ،هه‌ر ئه‌وه‌نده بوو وه‌ڵامه‌كه‌یان، چونكه ئه‌و كۆمپانیا نێوده‌وڵه‌تیانه‌ش تێیدا ئه‌ندامن و مامه‌ڵه له‌گه‌ڵ ده‌وڵه‌تدا ده‌كه‌ن.
گوتیشی: داخستنی فرۆكه‌خانه‌كان به‌ته‌نها زیانی بۆ هه‌رێمی كوردستان نه‌بووه، به‌ڵكو زیانی گه‌وره به‌ر كۆمپانیاكان و ته‌نانه‌ت هێزه‌كانی هاوپه‌یمانان و یوئێنیش كه‌وتووه، یوئێن ته‌له‌فۆن بۆ ئێمه ده‌كات كه گه‌یشتینه كوێ بۆ كردنه‌وه‌ی فڕۆكه‌خانه‌كان، ئێمه‌ش به‌وان ده‌ڵێین ئه‌ی ئێوه گه‌یشتنه كوێ.
ئاماده‌كردنی:رزگار
کۆمێنت (0)
تا ئێستا هیچ کۆمێنتێک نەکراوە.