لە نەخۆشخانەی ساتنا لە وڵاتی هیندستان پزیشكانی ئەو نەخۆشخانەیە لە نەشتەرگەرییەكدا توانیان 7 هەزار غرام لە وردە ئاسن و پارچەی دیكەی مەعدەنی لە ناو سكی نەخۆشێخدا دەربێنن .
رۆژنامەی The Independentی هیندی لە زاری دكتۆر بریانك شارما گواستیەوە كە ، پیاوێك بەناوی مەقسودخان تەمەن 35 ساڵ دوای ئەوەی سەردانی نەخۆشخانەی كرد كە دووچاری ئازاری سك بووە ، دوای پشكنین توشی شۆك بووین كە بینیمان چەندین پارچەی دراوی ئاسنی و بورغی و پارچەی دیكەی ئاسنی لە ناو سكی ئەو پیاوەدا هەیە .
بەپێی گوتەی دكتۆرەكە نەخۆشەكە حاڵەتی دەروونی ناسەقامگیر بوو ، كەس و كاری نەخۆشەكەش دەڵێن مەقسودخان شوفێری پاص بووە و كاتێك سەرنشینان پارەیان داوەتێ لە ناو دەمی داناوە ، لە بەر خێرایی لێخوڕینی پاصەكە هەندێكیانی قوت داوە . بەپێی گوتەی دكتۆرەكان ، تا ئێستا مەترسی لە سەر ژیانی خان ماوە و بەڵێنیداوە كە لەمەودوا هیچ پارچە ئاسنێكی دیكە قوت نەدات .
سەرچاوە : فورات نیوز
ئامادەكردنی : سوهێل تاهیر عەبدولڵا
کۆمێنت (0)
تا ئێستا هیچ کۆمێنتێک نەکراوە.