له ئاڕاسته‌ی هه‌وڵه جیهانییه‌كاندا بۆ به‌ره‌نگاربوونه‌وه‌ی قاچاخی مرۆڤ، پۆلیسی نێوده‌وڵه‌تیی 40 قاچاخچیی مرۆڤی له ناوچه‌ی رۆژئاوای ئه‌فریقیا ده‌ستگیر كرد و 500 كه‌سی له‌ده‌ستیان رزگار كرد.
دوای بڵاوبوونه‌وه‌ی چه‌ند ڤیدیۆیه‌ك له كڕین و فرۆشتنی ئاواره و كۆچبه‌ران كه له لیبیا وه‌ك كۆیله مامه‌ڵه‌یان پێوه ده‌كرا، شه‌پۆڵێكی توڕه‌یی جیهانی گرته‌وه، پۆلیسی نێوده‌وڵه‌تیش بۆ به‌ره‌نگاربوونه‌وه‌ی قاچاخی مرۆڤ ده‌ستی به چالاكیی كرد و 40 كه‌سی له‌و قاچاخچییانه ده‌ستگیركرد.
دوای بڵاوبوونه‌وه‌ی ئه‌و هه‌واڵه وه‌زیری ده‌ره‌وه‌ی نه‌یجیریا كۆنسوڵی لیبیای بانگ كرد و ئه‌وپه‌ڕی ناڕه‌زایه‌تیی سه‌رۆك كۆماری نه‌یجیریای به حكومه‌تی لیبیا راگه‌یاند، به‌هۆی ئه‌و ئۆپه‌ڕاسیۆنه‌ی له خاكه‌كه‌یدا ئه‌نجامدراوه.
ئینته‌رپۆل رایگه‌یاند كه له ئۆپه‌ڕاسیۆنێكی هاوبه‌شدا له وڵاتانی چاد و مالی و مۆریتانیا و نه‌یجیریا و سێنیگال، توانیویه‌تیی 40 قاچاخچیی مرۆڤ ده‌ستگیر بكات و 500 كۆچبه‌ری ئاواره له‌ده‌ستیان رزگار بكات، كه 236 كه‌س له‌و كۆچبه‌رانه منداڵ و مێرمنداڵ بوون.
سه‌رچاوه / عه‌ره‌بییه
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.