سه‌رۆكی لیستی برایه‌تی له ئه‌نجوومه‌نی پارێزگای كه‌ركووك رایده‌گه‌ێنێ، بڕیاره سبه‌ی كۆبوونه‌وه‌ی ئه‌نجوومه‌نی پارێزگای كه‌ركووك له هه‌ولێر به‌ڕێوه بچێت و له كه‌ركووك ئه‌نجام نادرێت، چونكه داگیر كراوه.
محه‌ممه‌د كه‌مال، سه‌رۆكی لیستی برایه‌تی له ئه‌نجوومه‌نی پارێزگای كه‌ركووك، به ماڵپه‌ری پارتی راگه‌یاند: داوامان كردووه كۆبوونه‌وه‌ی ئه‌نجوومه‌نی پارێزگای كه‌ركووك له شاری هه‌ولێر ئه‌نجام بدرێت، بۆ ئه‌و مه‌به‌سته‌یش هه‌موو ئاماده‌كارییه‌ك كراوه و هۆڵیشی بۆ ته‌رخان كراوه.
هه‌روه‌ها گوتی:زۆر ئاساییه كۆبوونه‌وه‌ی ئه‌نجوومه‌نی پارێزگای كه‌ركووك له هه‌ولێر بكرێت، چونكه چه‌ندین جار كۆبوونه‌وه‌ی ئه‌نجوومه‌نی پارێزگای ڕه‌مادی له به‌غدا كراوه و كۆبوونه‌وه‌ی ئه‌نجوومه‌نی پارێزگای مووسڵ له دهۆك كراوه، بۆچی بۆ ئه‌نجوومه‌نی پارێزگای كه‌ركووك نییه له هه‌ولێر كۆ ببێته‌وه؟ له كاتێكدا كه‌ركووك داگیر كراوه و حوكمی سه‌ربازی به‌ڕێوه‌ی ده‌بات، بۆیه ئێمه‌یش ئاماده نین بگه‌ڕێینه‌وه ژێر حوكمی سه‌ربازی.
گوتیشی: ئه‌گه‌ر كۆبوونه‌وه له كه‌ركووك بكرێت، ئێمه به‌شداری تێدا ناكه‌ین.
کۆمێنت (0)
تا ئێستا هیچ کۆمێنتێک نەکراوە.