هاوكات له‌گه‌ڵ سه‌ردانی نێرده‌ی تایبه‌تی چین بۆ كۆریای باكوور، چین رایگه‌یاند كه په‌یوه‌ندییه دێرینه‌كانی ئه‌وان و كۆریای باكوور بۆ هاوڵاتییانی ئه‌م دوو وڵاته وه‌ك سه‌رمایه‌یه‌كی به‌نرخ هه‌ژمار ده‌كرێت .
سونگ تائۆ به‌رپرسی كاروباری ده‌ره‌وه‌ی حزبی كۆمۆنیستی چین، بۆ راگه‌یاندنی راپۆرتی نۆزده‌یه‌مین كۆنگره‌ی نه‌ته‌وه‌یی حزبه‌كه‌ی سه‌ردانی كۆریای باكووری كرد. له به‌یاننامه‌یه‌كدا كه رۆژی شه‌ممه‌ی ئه‌م هه‌فته‌یه له‌لایه‌ن راگه‌یاندنه‌كانی چین بڵاوكراوه‌ته‌وه، باس له‌وه كراوه كه سونگ تائۆ دیداری له‌گه‌ڵ جێگری سه‌رۆكی حزبی ده‌سه‌ڵاتدار و یه‌كێك له به‌رپرسانی پله باڵای كۆریای باكوور كردووه و له دیداره‌كه‌دا په‌یوه‌ندییه‌كانی هه‌ردووك وڵات و حزب تاوتوێ كراون .
چین ماویه‌كی زۆر له هه‌وڵدابووه تا قه‌یرانی كۆریای باكوور له رێگه‌ی دیپلۆماتیكه‌وه چاره‌سه‌ر بكات، به‌ڵام له‌م چه‌ند مانگه‌ی دواییدا په‌یوه‌ندییه‌كی ئه‌وتۆی له‌گه‌ڵ ئه‌م وڵاته‌دا نه‌بووه .
هه‌روه‌ها چین گه‌وره‌ترین هاوبه‌شی بازرگانیی كۆریای باكووره، به‌ڵام ره‌تیدكاته‌وه كه هه‌ژموونیی به‌هێزی به‌سه‌ر ئه‌م وڵاته‌دا هه‌بێت .
سه‌رچاوه / ده‌نگی ئه‌مریكا
مه‌سعود مه‌عروف / كوردیستان تیڤی
کۆمێنت (0)
تا ئێستا هیچ کۆمێنتێک نەکراوە.