سكرتێری گشتیی نەتەوە یەكگرتووەكان پرسه‌و سه‌رخۆشی خۆی ئاراسته‌ی خانه‌واده‌ى قوربانییەكان و حكوومه‌ت و گه‌لی هه‌ردوو كۆماری ئیسلامی ئێران و كۆماری عێراق ده‌كات و هیوای چاكبوونه‌وه‌ی خێراش بۆ برینداران ده‌خوازێت.
ستیڤان دۆجاریك، گوتەبێژی سكرتێری گشتیی نه‌ته‌وه یه‌كگرتووه‌كان لە بەیاننامەیەكدا رایگه‌یاند" نەتەوە یەكگرتووەكان دڵگرانه بۆ گیان لە‌ده‌ستدان و ئه‌و زیانانه‌ی به هۆی بوومەلەرزەی له ناوچه سنوورییه‌كانی نێوان كۆماری ئیسلامی ئێران و كۆماری عێراق له ئێواره‌ی رۆژی یەكشەممەی ڕابردوو 12/11/2017 ڕوویدا.
ستیڤان دۆجاریك ڕاشیدەگەیەنێت، سكرتێری گشتیی، كۆششه‌كانی به‌هاناوه چوونی ده‌سه‌ڵاتدارانی ناوخۆی به‌رز نرخاند و ئاماده‌یی نه‌ته‌وه یه‌كگرتووه‌كانیشی نیشاندا لە ئەگەری داواكاری یارمەتیدان لێیان.
بە هۆی بوومەلەرزەكەی شەوی ڕابردووەوە، 8 هاووڵاتیی لە هەرێمی كوردستان گیانیان لە دەست داوەو زیاتر لە 200 هاووڵاتیی دیكە برینداربوون و هەروەها هەر بە هۆی بومەلەرزەوە بەگوێرەی زانیارییەكان لە رۆژهەڵاتی كوردستانیش 350 هاووڵاتی گیانیان لە دەست داوە و سەدانی دیكەش برینداربوونە.
کۆمێنت (0)
تا ئێستا هیچ کۆمێنتێک نەکراوە.