ده‌سته‌ى كه‌شناسى و بومه‌له‌رزه‌زانى عێراق، ئه‌مڕۆ دووشه‌ممه ، ڕایگه‌یاند، له دوێنێ شه‌وه‌وه نزیكه‌ى 100 بومه‌له‌رزه ، ڕوویانداوه، هه‌روه‌ها له راگه‌یه‌ندراوه‌كدا هاتووه: بوومه‌له‌رزه‌ی دیكه رووده‌ده‌ن، به‌ڵام ناگه‌نه ئێمه و هه‌ستیان پێناكه‌ین.
به‌شی چاودێریی بومه‌له‌رزه له وه‌زاره‌تی گواستنه‌وه‌ی عێراق، ئه‌مڕۆ دووشه‌ممه رایگه‌یاند: له شه‌وی رابردووه‌وه 100 بومه‌له‌رزه‌ی دیكه روویداوه، به‌ڵام خه‌ڵكی هه‌ستیان پێنه‌كردووه‌و پێشبینی ده‌كه‌ین تا مانگیكی دیكه له‌و جۆره بوومه‌له‌رزانه به‌رده‌وامبن.
به‌ڕێوه‌به‌ری به‌شه‌كه گوتی: پاش بوومه‌له‌رزه گه‌وره‌كه بوومه‌له‌رزه‌ی دیكه رووده‌ده‌ن، به‌ڵام ناگه‌نه ئێمه و هه‌ستیان پێناكه‌ین، ته‌نها دانیشتوانی ئه‌و ناوچانه هه‌ستی پێده‌كه‌ن كه له ناوچه سنوورییه‌كاندان و له چه‌قی بوومه‌له‌رزه‌كه‌وه نزیكن.
شه‌وى ڕابردوو زنجیره‌یه‌ك بوومه‌له‌رزه له ناوچه‌كانى كوردستان و عێراق و كوردستانى خۆرهه‌ڵاتى دا، كه به‌هێزترینیان 7.2 پله‌ى به پێی پێوه‌رى ڕێخته‌ر، بوو.
کۆمێنت (0)
تا ئێستا هیچ کۆمێنتێک نەکراوە.