له‌ داقوق عه‌ره‌به‌کان ده‌ست به‌سه‌ر زه‌وییه‌ کشتوکاڵییه‌کانی کورد دا ده‌گرن

عه‌ره‌به‌ سوننه‌كانی سنووری گوندی یه‌نگیجه‌ی تاڵه‌بانی سه‌ر به‌قه‌زای داقوق به‌ یارمه‌تی میلیشیا شیعه‌كان، زه‌وییه‌ كشتوكاڵییه‌كانی كورده‌كانی ئه‌و سنووره‌ داگیر ده‌كه‌ن .

ئێواره‌ی دوێنێ شه‌ممه‌ ۲٠۱۷/۱۱/۱۱ له‌گوندی یه‌نگیجه‌ی تاڵه‌بانی سه‌ر به‌قه‌زای داقوق عه‌ره‌به‌ سوننه‌كانی ئه‌و سنوره‌ به‌چه‌كه‌وه‌ هه‌ڵیان كوتایه‌ سه‌ر زه‌وییه‌ كشتوكاڵییه‌كانی كورده‌كانی ئه‌و سنووره‌ ، بۆ ئه‌م مه‌به‌سته‌ جووتیاره‌ كورده‌كان په‌نایان بۆ میلیشیا شیعه‌كان برد بۆ ئه‌وه‌ی به‌رگرییان لێ بكه‌ن ، به‌ڵام كاتێ میلیشیا شیعه‌كان گه‌یشتنه‌ شوێنی ڕووداوه‌كه‌ ئه‌وانیش چوونه‌ پاڵ عه‌ره‌به‌ سوننه‌كان وته‌قه‌یان كرده‌ سه‌ر كورده‌كان، بۆ ئه‌وه‌ی بڵاوه‌ی پێ بكه‌ن و شوێنه‌كه‌ بۆ عه‌ره‌به‌ سوننه‌كان چۆڵ بكه‌ن.