فڕۆکه‌یه‌کی جه‌نگی ئێرانی که‌وته‌ خواره‌وه‌

فڕۆكه‌یه‌كی جه‌نگی له‌ جۆری سوخۆی 22-ی سوپای پاسدارانی ئێران كه‌وته‌ خواره‌وه‌و فڕۆكه‌وانه‌كه‌شی گیانی له‌ده‌ستداوه‌.

به‌پێی هه‌واڵێكی ئاژانسی ئێرنای كۆماری ئیسلامی ئێران ، فڕۆكه‌یه‌كی جه‌نگی له‌ جۆری سوخۆی 22-ی سوپای پاسدارانی ئێران ، له‌ سه‌روستانی پارێزگای فارس كه‌وتووه‌ته‌ خواره‌وه‌.

له‌مباریه‌وه‌ سوپای پاسدارانی ئێران رایگه‌یاندووه‌، به‌یانی ئه‌مڕۆ شه‌ممه‌ 11-11-2017 فڕۆكه‌یه‌كی جه‌نگی له‌ جۆری سوخۆی 22-ی سوپای پاسداران ، له‌ سه‌روستانی پارێزگای فارس كه‌وتووه‌ته‌ خواره‌وه‌.

هه‌ر به‌پێی هه‌واڵه‌كه‌ی ئاژانسی ئێرنا، فڕۆكه‌كه‌ له‌كاتی مه‌شقكردندا بووه‌ و له‌ 15 كیلۆمه‌تری شاری سه‌روستان كه‌وتووه‌ته‌ خواره‌وه‌ و فڕۆكه‌وانه‌كه‌ گیانی له‌ده‌ستداوه‌.