له كۆتایی ئه‌م هه‌فته‌یه‌دا یان سه‌ره‌تای هه‌فته‌ی داهاتوو ده‌ست به دابه‌شكردنی پاره‌ی كارمه‌ندانی به‌ڕێوه‌چوونی ڕیفراندۆمی سه‌ربه‌خۆیی هه‌رێمی كوردستان ده‌كرێت.
ئارام حه‌سه‌ن ، به‌رێوه‌به‌ری فه‌رمانگه‌ی هه‌ولێری كۆمسیۆنی سه‌ربه‌خۆی هه‌ڵبژاردنه‌كانی هه‌رێمی كوردستان به ده‌زگای سه‌ته‌لایتی كوردستانی راگه‌یاند: بڕیار وابوو مانگی ڕابردوو پاره‌ی كارمه‌ندانی به‌ڕێوه‌چوونی ڕیفراندۆمی سه‌ربه‌خۆیی هه‌رێمی كوردستان دابه‌شبكرێت، به‌ڵام به‌هۆی ئه‌و بارودۆخه‌ی كه هاته كایه‌وه به‌تایبه‌ت له ناوچه‌كانی ده‌ره‌وه‌ی هه‌رێمی كوردستان، پڕۆسه‌كه دواكه‌وت.
هه‌روه‌ها گوتی: جارێكی دیكه ئاماده‌كارییه‌كان، ته‌واو كراون و بودجه‌ش دابین كراوه، بۆیه بڕیاره له كۆتایی ئه‌م هه‌فته‌یه‌دا یان سه‌ره‌تای هه‌فته‌ی داهاتوو ده‌ست به دابه‌شكردنی پاره‌كه بكه‌ین.
کۆمێنت (0)
تا ئێستا هیچ کۆمێنتێک نەکراوە.