راوێژكاری ئه‌نجوومه‌نی ئاسایشی هه‌رێمی كوردستان، هیوای خواست، هه‌رچی زووه جوڵه سه‌ربازیه‌كان كۆتایی پێبهێنرێت و هه‌ولێر و به‌غدا له سه‌ر مێزی گفتوگۆ به‌پێی ده‌ستوور كێشه‌كان چاره‌سه‌ر بكه‌ن.
ئه‌مڕۆ چوارشه‌ممه 1/11/2017 له میانی دیدارێكی نێوان، مه‌سروور بارزانی راویژكاری ئه‌نجوومه‌نی ئاسایشی هه‌رێمی كوردستان و فرانك بێیكر باڵیۆزی به‌ریتانیا له عێراق و شاندی یاوه‌ریدا، دوا په‌ره‌سه‌ندنه‌كانی نێوان هه‌رێمی كوردستان وبه‌غدا گفتوگۆی له‌باره‌وه كراوه‌و باڵیۆزی به‌ریتانی نیازی خۆی بۆ پته‌وكردنی زیاتری په‌یوه‌ندیی ولاته‌كه‌ی له‌گه‌ڵ هه‌رێمی كوردستان دووپات كرده‌وه و هیوای خواست، هه‌رچی زووه جوڵه سه‌ربازیه‌كان كۆتایی پێبهێنرێت و هه‌ولێر و به‌غدا له سه‌ر مێزی گفتوگۆ به‌پێی ده‌ستوور كێشه‌كان چاره‌سه‌ر بكه‌ن.
له دیداره‌كه‌دا مه‌سرور بارزانی ئاماژه‌ی به‌وه‌كردووه : له به‌غدا زۆر باسی جێبه‌جێكردنی ده‌ستور ده‌كرێت، به‌ڵام ئه‌و رێكارانه‌ی له به‌رامبه‌ر هه‌رێم ده‌گیرێنه‌به‌ر سیاسین و پێشێلكردنی زه‌قی ده‌ستوورن، ئه‌گه‌ر بڕیاریشه ده‌ستور جێبه‌جێكرێت، پێویسته هه‌موو ده‌ستوور وه‌ك خۆی جێبه‌جێبكرێت.
راوێژكاری ئه‌نجوومه‌نی ئاسایش هیوای خواست، هه‌رچی زووتر دانوستانه‌كانی هه‌ولێر و به‌غدا له بواری سه‌ربازیه‌وه بۆ بواری سیاسی و ئیداری بگوازرێته‌وه و كۆتایی به‌و گرژیانه‌ی ئێستا بهێنرێت.
کۆمێنت (0)
تا ئێستا هیچ کۆمێنتێک نەکراوە.