وه‌لید جونبڵات سه‌رۆكی پارتی پێشكه‌وتنی سۆسیالیستی لوبنانی و سه‌ركرده‌ی درزیه‌كان، له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر ده‌ڵێت: ئه‌و هه‌ڵوێسته‌ی بارزانی به ده‌ستله‌كاركێشانه‌وه‌ی له پۆستی سه‌رۆكی هه‌رێم هه‌ڵوێستێكی لوتكه‌ی ئازایه‌تییه .
روونیشیكردۆته‌وه كه مه‌سه‌له‌ی كورد قه‌د نامرێ و وه‌ك پرۆژه‌یه‌كی مێژوویی ده‌مێنێته‌وه، هه‌ر له درێژه‌ی نوسینه‌كانیدا جونبڵات رایگه‌یاندووه كه مه‌سعود بارزانی به‌رژه‌وه‌ندی سه‌قامگیری كوردستان و یه‌كێتی نیشتیمانی خستۆته پێش پۆسته‌كه‌ی، ئه‌مه‌ش لوتكه‌ی ئازایه‌تییه .
هه‌روه‌ها ئاماژه‌ی داوه كه هه‌رچه‌ند هێزو لایه‌نه‌كانی ده‌وروبه‌رو هه‌رێمی دان به‌و پرۆژه مێژووییه نانێن به‌ڵام مه‌سه‌له‌ی كورد نامرێ و به‌كۆتا نایه‌ت و وه‌ك پرۆژه‌یه‌كی مێژوویی ده‌مێنێت .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.