ده‌زگاكانی راگه‌یاندنی ژاپۆنی بڵاویانكرده‌وه، پۆلیسی ئه‌و وڵاته 9 ته‌رمی له‌شوققه‌یه‌دا له‌ده‌وروبه‌ری تۆكیۆی پایته‌خت دۆزیوه‌ته‌وه كه دوانیان سه‌ریان له‌لاشه‌یان جیاكرابۆوه.
به‌پێی تۆڕی ئین ئیچ كی ته‌له‌فزیۆنی، پۆلیس له‌سه‌ر رووداوه‌كه گه‌نجێكی ته‌مه‌ن 27 ساڵی ده‌ستگیركردووه.
گوته‌بێژی پۆلیس بۆ ئاژانسی هه‌واڵی فرانس پرێسی رایگه‌یاند له‌ئێستادا ناتوانێت پشتڕاستی زانیارییه‌كان بكاته‌وه.
به‌پێی ده‌زگاكانی راگه‌یاندنی ژاپۆنی، ده‌سه‌ڵاتداران لێكۆڵینه‌وه ده‌كه‌ن له دیارنه‌مانی ئافره‌تێكی ته‌مه‌ن 23 ساڵ و ده‌یانه‌وێت په‌یوه‌ندی نێوان ئه‌و ئافره‌ته و دانشتوویه‌كی ئه‌و شوققه‌یه بدۆزنه‌وه كه ئه‌و 9 ته‌رمه‌ی تێدا دۆزرایه‌وه.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.