لە روونکردنەوەیەکدا پارتی دیموکراتی کوردستان ئیدانەی هێرشکردنە سەر بارەگای کۆمیتەی یەکێتی نیشتمانی کوردستان دەکات لە زاخۆ، ئیدانەی ئەوکارە دةكات و داوایش لە دەزگا پەیوەندیدارەکان دەکەین بە زووترین کات ئەنجامدەرانی ئەو کارە گێرەشێوێنیە دەستگیربکەن.
ئه‌مه ده‌قه‌كه‌یه‌تی:
بەداخەوە ئەمشەو ۲۹ـ ۱٠ـ ۲٠۱۷، هەندێک خەڵکی گێرەشێوێن هێرشیان کردە سەر بارەگای کۆمیتەی یەکێتی نیشتمانی کوردستان لە زاخۆ.
ئێمە لە پارتی دیموکراتی کوردستان، ئیدانەی ئەوکارە دەکەین و داوایش لە دەزگا پەیوەندیدارەکان دەکەین بە زووترین کات ئەنجامدەرانی ئەو کارە گێرەشێوێنیە دەستگیربکەن و ئیجرائاتی یاساییان لەگەڵدا بکەن، لەهەمان کاتدا داوا لەو دەزگایانە دەکەین وشیاربن لە پاراستنی بنکە و بارەگای سەرجەم حزبەکان و رێگا نەدەن گێرەشێوێن و خراپەکاران هەوڵی شێواندنی بارودۆخی کوردستان بدەن..
مەکتەبی سیاسی پارتی دیموکراتی کوردستان
۲۹ی۱٠ی ۲٠۱۷
ئا:سامان زاهیر
کۆمێنت (0)
تا ئێستا هیچ کۆمێنتێک نەکراوە.