فه‌رمانده‌یه‌كی هێزه‌كانی ئاسمانی ئه‌مریكا رایده‌گه‌ێنێ، جیهان ئیدی شوێنێكی مه‌ترسیداره و كه‌سانێك هه‌ن كه به ئاشكرا باس له به‌كارهێنانی چه‌كی ئه‌تۆمی ده‌كه‌ن.
جه‌نه‌راڵ ده‌یڤید گۆڵدفین، فه‌رمانده‌ی هێزه‌كانی ئاسمانی ئه‌مریكا ، له دیمانه‌یه‌كیدا له‌گه‌ڵ ماڵپه‌ڕی Defense Oneی ئه‌مریكی، رایگه‌یاند: له ساڵی 1991ه‌وه تا ئێستا بۆ یه‌كه‌مجار بیریان له‌وه كردووه‌ته‌وه B-52كان 24 كاتژمێر بخه‌نه حاڵه‌تی ئاماده باشییه‌وه.
گوتیشی: ئه‌وه ته‌نها هه‌نگاوێكی دڵنیایی دیكه‌یه له‌باره‌ی ئاماده‌ییمان. ئه‌وه‌یش بۆ دۆخێكی دیاریكراو ناڵێم به‌ڵكو له رووی راستیی ئه‌و دۆخی جیهانییه‌ی تیایداین ته‌ماشای ده‌كه‌م.
ئه‌و فه‌رمانده ئه‌مریكییه راشیگه‌یاند: جیهان ئیدی شوێنێكی مه‌ترسیداره و كه‌سانێك هه‌ن كه به ئاشكرا باس له به‌كارهێنانی چه‌كی ئه‌تۆمی ده‌كه‌ن. ئیدی ته‌نها یه‌كیتیی سۆڤیه‌ت و ئێمه وه‌ك دوو جه‌مسه‌ر ناژین له جیهاندا. یاریكه‌ری دیكه هه‌یه كه خاوه‌نی هێزی ئه‌تۆمییه.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.