ئه‌مڕۆ كاتژمێر 2 ی پاشنیوه‌رۆ له‌به‌رده‌م UN خۆپیشاندانێكی جه‌ماوه‌ری به‌رێوه ده‌چێت.
گروپی گه‌نجانی سه‌ربه‌خۆ هه‌ڵده‌ستن به گردبوونه‌وه‌یه‌ك له‌به‌رده‌م باره‌گای نه‌ته‌وه یه‌كگرتووه‌كان بۆ ناره‌زایی ده‌ربڕین له به‌رامبه‌ر بێ ده‌نگی و بێ هه‌ڵوێستی نه‌ته‌وه یه‌كگرتووه‌كان ، له‌هه‌مبه‌ر هێرش و داگیركاری و وێرانكارییه‌كانی میلیشیاكانی حه‌شدی شه‌عبی و هێزه‌كانی دیكه‌ی عێراق به‌رامبه‌ر به كوردستان و پێشمه‌رگه.
سیروان گه‌ردی ، چالاكوانی مه‌ده‌نی و به‌رپرسی تۆری هه‌ماهه‌نگی رێكخراوه‌كان، به ماڵپه‌ری ده‌زگای سه‌ته‌لایتی كوردستانی راگه‌یاند: ئه‌مرۆ كاتژمێر 2 ی دوای نیوه‌رۆ گه‌نجانی بوێری قه‌ڵاو مناره گردبوونه‌وه‌یه‌ك له‌به‌رده‌م UN ، به هوتافی ئه‌مریكا راستگۆ نییه به‌رامبه‌ر به به‌ڵێنه‌كانی و كورد په‌لاماری كه‌سی نه‌داوه‌و ته‌نیا داوای مافی خۆی كردووه رێك ده‌خه‌ن، هه‌روه‌ها داواش ده‌كه‌ن كۆمه‌ڵگای نێوده‌وڵه‌تی پشتیگری له داوا ره‌وكانی گه‌لی كورد بكات.
کۆمێنت (0)
تا ئێستا هیچ کۆمێنتێک نەکراوە.