ره‌وه‌ندی كوردی له ده‌ره‌وه بۆ پشتگیری له پێشمه‌رگه‌و كوردستان ئه‌مرۆ خۆپیشاندان ده‌كات.
ئه‌مرۆ كوردانی تاراوگه بۆ پشتگیری له كوردستان و پێشمه‌رگه له‌هه‌ر یه‌ك له وڵاتانی فه‌ره‌نسا له داڵاس ، نه‌رویج له ئۆسلۆ، خۆپیشاندانی گه‌وره ئه‌نجام ده‌ده‌ن بۆ ئه‌وه‌ی به رای گشتی جیهان بڵێن ، حه‌شدی شه‌عبی و میلیشیاكانی عێراق به هاوكاری ده‌سه‌ڵاتی شیعه شه‌ر بۆ له ناوبردن و قڕكردنی كورد ده‌كه‌ن، پێشمه‌رگه‌ی كوردستانیش به ته‌نیا له سه‌نگه‌ری به‌رگری دایه.
كوردستانیان له رێگه‌ی ئه‌و پشتگیرییه پشتیوانی خۆیان بۆ پێشمه‌رگه‌و بۆ كوردستان ده‌رده‌بڕن .
شه‌وی رابردوو سه‌رۆك بارزانی داوای كرد هه‌موو كوردستانیانی دانیشتووی ئه‌وروپاو ئه‌مریكا به شێوه‌یه‌كی ئاشتیانه بۆ پاڵپشتی كردنی گه‌له‌كه‌مان،خۆپیشاندان و چالاكی مه‌ده‌نی ئه‌نجام بده‌ن و داوای هاوكاری گه‌لانی ئه‌و وڵاتانه بكه‌ن كه تیایدا نیشته‌جێن تا ئه‌م شه‌رو ئابڵوقه‌یه له دژی گه‌له‌كه‌مان به زووترین كات رابگرن ، هه‌روه‌ها سه‌رۆك بارزانی داوی كرد كه ده‌نگی مه‌زلومییه‌تی كوردستان و په‌یامی ئاشتی خوازانه‌ی گه‌له‌كه‌مان به جیهان بگه‌یه‌نن.
کۆمێنت (0)
تا ئێستا هیچ کۆمێنتێک نەکراوە.