ئاژانسی رۆیتەرز لە سەر زاری بەرپرسانی باڵای ئیسرائیل بڵاویکردووەتەوە، بنیامین ناتەنیاهۆ سەرۆکوەزیرانی ئیسرائیل لەدژی هێرشەکانی سوپای عێراق بەرامبەر بە کورد، لۆبی بۆ پرسی کورد لە نێو سەرکردەکانی جیهان دەکات .
هه‌روه‌ها ناتەنیاهۆ بۆ ئەم مەبەستە پەیوەندی تەلەفۆنی لەگەڵ ئەنگێلا مێرکڵ، راوێژکاری ئەڵمانیا و ڤلادیمیر پووتین، سەرۆکی رووسیا ئەنجامداوە .
بەپێی ئەو زانیاریانەی رۆیتەرز بڵاویکردووەتەوە، بڕیارە بۆ ئه‌م مەبەسته راوێژکاری ئاسایشی نیشتمانی ئیسرائیل، پرسی پشتیوانیکردن لە کورد لەگەڵ ئیدارەی دۆناڵد ترەمپ، سەرۆکی ئەمریکا تاوتوێبکات .
هه‌روه‌ها ئیسرائیل کاتز، وەزیری هەواڵگری ئیسرائیل رۆژی هەینی بە رادیۆی تەلئەڤیڤی راگەیاندووە كه کار لەسەر ئەوە دەکەن هێرشەکانی سەر کورد رابگرن، چونکە کورد پشتیوانی رۆژئاوان و شایەنی ئەو پشتیوانییەن .
کارتز راشیگەیاندووە، ئێستا سەرۆکوەزیرانی ئیسرائیل بۆ پشتیوانیکردن لە کورد لەگەڵ ئەمریکا و رووسیا و فەرەنسا و ئەڵمانیا لە پەیوەندیدایە .
ئارام كاكه‌خان
کۆمێنت (0)
تا ئێستا هیچ کۆمێنتێک نەکراوە.