چەکدارانی میلیشیاکانی حەشدی شەعبی ژمارەیەک مامۆستای ئایینی کورد لە شاری کەرکووک دەڕفێنن.
بەپێی هەواڵێکی رۆژنامەی (بەغداد پۆست)، چەکدارانی حەشدی شەعبی ژمارەیەک پێشنوێژ و وتارخوێنی کوردیان لە شاری کەرکووک رفاندووە، کە یەکێک لەو مامۆستا ئاینییانە، پێشنوێژ و وتارخوێنی مزگەوتی سەحابەیە.
حەشدی شەعبی لە ژمارەیەک میلیشیای تائیفیی پێک دێت، کە لەلایەن حزبە شیعییە عێراقییەکانەوە پێکهێندراون و سوپای پاسدارانی ئێران پاڵپشتیی ماددی و مەعنەوی دەکرێن.
بەرەبەیانی رۆژی دووشەممە 16/10/2017، میلیشیاکانی حەشدی شەعبی بە سەرپەرشتیی و بەشداریی سوپای پاسدارانی ئێران و به چاوساغى بالى لایه‌نێكى كوردى هێرشیان کردە سەر کەرکووک و شارەکەیان داگیر کرد و هەزاران هاووڵاتیی ئەو شارە روویان لە هەولێر و شارەکانی دیکەی کوردستان کرد.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.