سه‌لمان بن عه‌بدولعه‌زیز ، شای سعوودیه، رایده‌گه‌ێنێت، پێویسته هه‌ڵوێستی توند به‌رامبه‌ر ئێران بیگرێته‌به‌ر
سه‌لمان بن عه‌بدولعه‌زیز، شای سعوودیه ،له میانی په‌یوه‌ندییه‌كی ته‌له‌فۆنی له‌گه‌ڵ دۆناڵد تره‌مپ له‌گه‌ڵ سه‌رۆكی ئه‌مریكا، رایگه‌یاند:گرنگه هه‌ڵوێستی توند به‌رامبه‌ر تیرۆر و توندڕه‌وی، هه‌روه‌ها پاڵپشتیكاری یه‌كه‌میان كه ئێرانه بیگرێته‌به‌ر.
لێدوانه‌كه‌ی شای سعوودیه دوای راگه‌یاندنی ستراتیجییه‌تی نوێ ئه‌مریكایه به‌رامبه‌ر ئێران.
ئاژانسی هه‌واڵی فه‌رمی سعوودیه بڵاویكردۆته‌وه، له‌و په‌یوه‌ندییه ته‌له‌فۆنییه‌دا، سه‌لمان بن عه‌بدولعه‌زیز دووپاتی كرده‌وه كه سعوودیه پێشوازی و پاڵپشتی له ستراتجییه‌ته نوێیه‌كه‌ی ئه‌مریكا به‌رامبه‌ر ئێران ده‌كات كه رۆژی هه‌ینی رابردوو دۆناڵد تره‌مپ رایگه‌یاندبوو.
لای خۆیه‌وه دۆناڵد تره‌مپ ،سه‌رۆكی ئه‌مریكا، ستایشی پاڵپشتییه‌كه‌ی شای سعوودیه بۆ ستراتجییه‌ته‌كه‌ی كردووه و دووپاتی كردووه‌ته‌وه كه ویلایه‌ته یه‌كگرتووه‌كانی ئه‌مریكا سووره له‌سه‌ر كاركردن له‌گه‌ڵ هاوپه‌یمانه‌كانی بۆ به‌دیهێنانی ئاسایش و سه‌قامگیری له جیهان.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.