جێگری خانه‌نشینكراوی سه‌رۆك ئه‌ركانی سوپای ئه‌مریكا رایده‌گه‌ێنێت، هیچ بژارده‌یه‌كی سه‌ربازی بۆ پرسی سه‌به‌خۆیی كوردستان نییه و ئه‌مریكا له‌ڕێگه‌ی دیپلۆماسیی خۆیه‌وه ده‌توانێت یارمه‌تیده‌ر بێت بۆ چاره‌سه‌ركردنی كێشه‌كان.
ژه‌نه‌راڵ رۆنالد گریفس، جێگری خانه‌نشینكراوی سه‌رۆك ئه‌ركانی سوپای ئه‌مریكا، به كوردستان ٢٤ی راگه‌یاندووه: ئێستا كوردستان به قۆناغێكی هه‌ستیاردا تێده‌په‌ڕێ، پێویسته كاری وردی بۆ بكرێت. له كاتێكدا كه به‌ره‌و سه‌ربه‌خۆیی هه‌نگاو ده‌نێ.
هه‌روه‌ها ده‌ڵێ: هاوكاری له‌گه‌ڵ هاوبه‌شه‌كانتان له ناوچه‌كه گرنگه و هه‌ر به‌م بۆنه‌یه‌شه‌وه من پاڵپشتی له‌وه ده‌كه‌م. به‌ڵام له‌كاتێكدا كه ئێوه له هه‌نگاونان به‌ره‌و ئه‌م ئامانجه به‌رده‌وام ده‌بن ، گرینگه بناغه‌ی دۆستایه‌تی و په‌یوه‌ندی، له‌سه‌ر بنه‌مای متمانه‌بوون به یه‌كتری، له‌گه‌ڵ دراوسێكان و لایه‌نه‌كانی تر دابڕێژن.
ده‌شڵێ: به بۆچوونی من ئێستا هیچ بژارده‌یه‌كی سه‌ربازی بۆ پرسی سه‌به‌خۆیی كوردستان نییه و ئه‌مریكا له‌ڕێگه‌ی دیپلۆماسیی خۆیه‌وه له‌گه‌ڵ به‌غدا و هه‌روه‌ها توركیا ده‌توانێت یارمه‌تیده‌ر بێت بۆ چاره‌سه‌ركردنی كێشه‌كان.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.