ئه‌نجوومه‌نی ئاسایشی هه‌رێمی كوردستان له ئه‌كاونتی فه‌رمی خۆی له تۆڕی كۆمه‌ڵایه‌تی تویته‌ر، تویتێكی بڵاوكردووه‌ته‌وه‌و تێیدا هاتووه" په‌یامی مه‌ترسیدارمان له هێزه عێراقییه‌كانه‌وه پێگه‌یشتووه، له‌لایه‌ن هێزه‌كانی حه‌شدی شه‌عبی و پۆلیسی فیدرالی كه ئاماده‌كاری ده‌كه‌ن بۆ هێرشی به‌رفروان بۆ سه‌ر باشوور و ڕۆژئاوای كه‌ركووك و باكوری مووسڵ له كوردستان.
ئه‌مه له كاتێك دایه كه دوێنێ سێشه‌ممه، حه‌یده‌ر عه‌بادی سه‌رۆك وه‌زیرانی عێراق ئاشكرای كرد، كه هێزه‌كانی عێراق هه‌ركات بیانه‌وێ ده‌چنه كه‌ركووك و ناوچه‌كانی تر بۆ سه‌پاندنی ئارامی و پاراستنی ئاسایشی ناوچه‌كه، هاوكات به‌رپرسێكی باڵای سه‌ربازی عێراق به ئاژانسی "سپوتنیكی" ڕووسی ڕاگه‌یاند، كه هێزه‌كانی عێراق ئاماده‌كاری ده‌كه‌ن بۆ هێرش كردنه سه‌ر كه‌ركووك.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.