ئەنجومەنی کۆمسیارانی سەر بە کۆمسیۆنی باڵای ھەڵبژاردن و ڕاپرسی لەبارەی ھەڵبژاردنی داھاتووی پەرلەمانی کوردستانەوە کۆدەبێتەوە و لەمبارەیەشەوە چەند بڕیارێکی ئاشکرا کرد.
بەپێی ڕاگەیاندراوێکی کۆمسیۆنەکە، ئەنجومەنی کۆمسیاران چەند بڕیارێکی دەرکردووە ، کە یەکەمیان بریتییە لە دیاریکردنی ماوەی پێکھێنانی ھاوپەیمانێتیی نێوان لایەنە سیاسییەکان لە 3 تاوەکو 6ی ئەم مانگە. ھەروەھا لە 9 تاوەکو 13/10/2017 ماوەی پێشکەشکردنی کاندیدە بۆ پەرلەمانی کوردستان.
لە دوا بڕیاریشدا کۆمسیۆن ڕایگەیاندووە کە ماوەی ئەنجامدانی بانگەشەی ھەڵبژاردن لە 15/10/2017 دەبێت و لە 29/10/2017ش دوا وادەی بانگەشەی ھەڵبژاردن دەبێت.
ھەر لەو ڕاگەیاندراوەدا کۆمسیۆن ئاشکرای کردووە کە ھۆکاری بڕیارەکانی بۆ کەمیی کات دەگەڕێتەوە.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.