دامه‌زرێنه‌ری ماڵپه‌ری ویكیلیكس،رایده‌گه‌ێنێت، بۆ شكستهێنانی ریفراندۆمی سه‌ربه‌خۆیی كه‌ته‌لۆنیا،ده‌زگا هه‌واڵگرییه‌كانی ئیسپانیا، سانسۆریان خستۆته سه‌ر سه‌دان ماڵپه‌ری ئه‌لیكترۆنی.
جۆلیان ئه‌سانج، دامه‌زرێنه‌ری ماڵپه‌ری ویكیلیكس له لاپه‌ره‌ی تایبه‌تی خۆی له تۆڕی كۆمه‌ڵایه‌تی تویته‌ر نووسیویه‌تی:هاووڵاتیان و رێكخه‌رانی هه‌رێمی كه‌ته‌لۆنیا، تۆڕه‌كانی ئینته‌رنێت بۆ ئاماده‌كاری ریفراندۆم به‌كار ده‌هێنن، له هه‌مانكاتدا ده‌زگا هه‌واڵگرییه‌كانی ئیسپانیا هه‌ڵساون به بلۆككردنی تۆڕه‌كانی په‌یوه‌ندی كردن و داگیركردنی باڵه‌خانه‌كانی راگه‌یاندن و سانسۆركردنی سه‌دان ماڵپه‌ری ئه‌لیكترۆنی.
گوتیشی: له دوای رووخانی دیواری به‌رلین، ئه‌وه‌ی له كه‌ته‌لۆنیا رووده‌دات گه‌وره‌ترین ململانیێه له رۆژئاوا ، كه له نێوان گه‌ل و حكومه‌ت روویدابێ.
ئه‌سانج داواشی له‌سه‌رجه‌م لایه‌نگرانی كرد، یارمه‌تیده‌ربن بۆ دۆزینه‌ی ئه‌و كاره ناشه‌رعییانه‌ی،كه له‌لایه‌ن ده‌زگای هه‌واڵگرییه‌كانی ئیسپانیا ، دژ به ریفراندۆمی كه‌ته‌لۆنیا ده‌كرێ.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.