بە گوێرەی هەواڵێكی سایتی (سۆڵ)ـی توركی، ئه‌مرۆ وەزارەتی ناوخۆی ئەڵمانیا ڕاگەیاندراوێكی بڵاو كردەوە و لەوێدا ئاشكرای دەكات كە ئیدی هیچ سەرباز و چەكێكی ئەڵمانیا لە بنكەی ئینجەرلیك لە توركیا نەما و هەموویانی گواستەوە بۆ ئوردن.
ئەم بڕیارەی ئەڵمانیا دوای ئەوە هاتووە کە ئەو دوو وڵاتە نەگەیشتنە هیچ رێككەوتنێك بۆ مانەوەی سەرباز و چەكەكانی ئەڵمانیا لە بنكه‌ى ئینجەرلیك.
هه‌ربۆیه ئه‌مرۆ وەزارەتی ناوخۆی ئەڵمانیا ئاشكرای كرد كە دوا سەربازی ئەڵمانیا بنكەی ئینجەرلیكی لە توركیا جێهێشت.
شایه‌نى باسه به‌پێى ڕێككەوتنی نێوان هه‌ردوو وولاتى ئوردن و ئەڵمانیا ، كه شه‌ش مانگ له‌مه‌وبه‌ر ئه‌نجامدراوه، لە مانگی داهاتوودا سەربازەكانی ئەڵمانیا لە بنكەی سەربازی ئوردن جێگیر ده‌كرێن.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.