رێبه‌ری دیموكراته‌كانی ئه‌نجوومه‌نی پیرانی ئه‌مریكا، رایده‌گه‌ێنێت، ده‌بێت جیهان دان به ده‌نگدانه مێژووییه‌كه‌ی رۆژی دووشه‌ممه‌ی كوردستانی عێراقدا بنێت و ئه‌مریكاش وه‌ڵامی ویستی كورده‌كان بۆ ده‌وڵه‌تێكی سه‌ربه‌خۆ بداته‌وه.
چاك شومه‌ر رێبه‌ری دیموكراته‌كانی ئه‌نجوومه‌نی پیرانی ئه‌مریكا ، رایگه‌یاند: ده‌بێت جیهان دان به ده‌نگدانه مێژووییه‌كه‌ی رۆژی دووشه‌ممه‌ی كوردستانی عێراقدا بنێت و رێزی لێ بگرێت، منیش پاڵپشتی ته‌واوی گه‌لی كوردی باكووری عێراق ده‌كه‌م.
ده‌ڵێت : باوه‌ڕم وایه ده‌بێت به‌زووترین كات كورده‌كان ده‌وڵه‌تێكی سه‌ربه‌خۆیان هه‌بێت و پێویسته هه‌ڵوێستی حكومه‌تی ئه‌مریكاش پاڵپشتیكردن له پرۆسه‌یه‌كی سیاسی بێت كه وه‌ڵامی ویستی كورده‌كان بۆ ده‌وڵه‌تێكی سه‌ربه‌خۆ بداته‌وه.
هه‌روه‌ها ده‌شڵێت: له ماوه‌ی دوو ده‌یه‌ی رابردوودا، كورده‌كان یه‌كێك له به‌هێزترین و باشترین پاڵپشتیكاره هاوبه‌شه‌كانمان بوون له‌سه‌ر زه‌ویدا له شه‌ڕی دژ به تیرۆریزمدا و ئێمه‌ش زۆرجار پشتمان به پێشمه‌رگه به‌ستووه. ئه‌وان پاڵپشتیان له مافی كه‌مایه‌تییه‌كان له ناوچه‌یه‌كه‌دا كردووه كه تێیدا چه‌وساندنه‌وه‌ی كه‌مایه‌تییه‌كان زۆرجار یاساییه و ئه‌نجامه‌كه‌یشی پێكدادانه. له‌وه‌ش زیاتر، ده‌بێت ئه‌مریكا نوێنه‌رایه‌تی مافی چاره‌ی خۆنووسین بۆ هاوبه‌شه به‌هێزه‌كانمان بكات.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.