گوته‌بێژی مه‌كته‌بی سیاسیی یه‌كێتی رایده‌گه‌یه‌نێت، باسی سنوور داخستن راست نییه و پروپاگه‌نده‌یه، ئه‌وانه‌شی لێدوان له دژی كوردستان ده‌ده‌ن، ده‌بێ دادگایی بكرێن.
سه‌عدی پیره، گوته‌بێژی مه‌كته‌بی سیاسیی یه‌كێتی له پرێس كۆنفرانسێكدا رایگه‌یاند: لێدوانه میدیاییه‌كانی سه‌ركره‌كانی عێراق له دژی كوردستان، ته‌نیا بۆ كۆ كردنه‌وه‌ی ده‌نگی هاووڵاتییانیانه، چونكه عێراق هه‌ڵبژاردنی له‌پێشه.
هه‌روه‌ها گوتی: پێویسته سه‌ركرایه‌تی سیاسی كوردستان، گفتوگۆ له‌گه‌ڵ وڵاتانی دراوسێ بكات و بۆیان روون بكاته‌وه، كه كوردستانی سه‌ربه‌خۆ نابێته مایه‌ی هه‌ڕه‌شه بۆیان و باسی سنوور داخستنیش راست نییه و پروپاگه‌نده‌یه.
گوته‌بێژه‌كه‌ی مه‌كته‌بی سیاسیی یه‌كێتی جه‌ختیشیكرده‌وه ، ئه‌و په‌رله‌مانتارانه‌ی عێراق، كه لێدوان دژی كوردستان و به‌رپرسه كورده‌كانی عێراق ده‌ده‌ن، پێشێلی مادده‌ی 7ـی ده‌ستووری هه‌میشه‌یی عێراقیان كردووه و ئاسایشی كۆمه‌ڵایه‌تییان خستووه‌ته مه‌ترسییه‌وه و ده‌بێ دادگایی بكرێن.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.