به‌رپرسێكی پارتی دیموكراتی كوردستان رایده‌گه‌ێنێت، چیدیكه سه‌ركردایه‌تی كورد قه‌بووڵی ناكات یاری به قه‌ده‌ری بكرێت و ئه‌و به‌دیله‌ی ئێمه ده‌مانه‌وێ تا ئێستا به ده‌ستمان نه‌گه‌یشتووه.
شێخ ئه‌دهه‌م بارزانی به‌رپرسی ئه‌نجوومه‌نی سلێمانی- هه‌ڵه‌بجه‌ی پارتی دیموكراتی كوردستان له‌باره‌ی كه‌رنه‌ڤاڵه فراوانه جه‌ماوه‌رییه‌كه‌ی شاری هه‌ڵمه‌ت و قوربانییه‌وه، له كۆنفڕانسێكی ڕۆژنامه‌وانیدا، ڕایگه‌یاند: دوێنێ سلێمانی په‌یامی خۆی به به‌غداو به هه‌موو جیهان گه‌یاند.
ئه‌دهه‌م بارزانی گوتی: چیدیكه سه‌ركردایه‌تی كورد قه‌بووڵی ناكات یاری به قه‌ده‌ری بكرێت و ئه‌و به‌دیله‌ی ئێمه ده‌مانه‌وێ تا ئێستا به ده‌ستمان نه‌گه‌یشتووه.
ئه‌دهه‌م بارزانی گوتیشی: جه‌نابی سه‌رۆك بارزانی ڕۆڵی زۆری بینی له كۆكردنه‌وه‌ی هێز و لایه‌نه سیاسییه‌كانی كوردستان و به هاوكاریی سه‌ركرده‌كانی دیكه، ئه‌م جۆشوخرۆشه‌ش كه له ناوه‌وه و ده‌ره‌وه ده‌یبینین، دڵخۆشكه‌ره و په‌یامێكی سه‌ركرده‌كانی كوردستانه بۆ خه‌ڵكی كوردستان و دونیا.
كوردستان تیڤی:رزگار تاهیر
کۆمێنت (0)
تا ئێستا هیچ کۆمێنتێک نەکراوە.