له دووه‌م رۆژی ئۆپه‌راسیۆنی كۆنتڕۆڵكردنه‌وه‌ی شاری عانه سه‌ربه پارێزگای ئه‌نبار، هێزه عێراقییه‌كان له سێ میحوه‌ره‌وه شاره‌كه‌یان گه‌مارۆ داوه.
ئه‌فسه‌ر له سوپای عێراق، عه‌قید وه‌لید دلێمی رایگه‌یاند:له میانی پێشڕه‌وییه‌كانیاندا له دووه‌م رۆژی ئۆپه‌راسیۆنی كۆنتڕۆڵكردنه‌وه‌ی شاری عانه سه‌ربه پارێزگای ئه‌نبار، هێزه‌كانی فیرقه‌ی حه‌وت، لیوای كۆماندۆی ئۆپه‌راسیۆنه‌كانی جه‌زیره، لیوای ٣٠ی فیرقه‌ی هه‌شت، پۆلیسی فریاكه‌وتنی ئه‌نبار و حه‌شدی هۆزه‌كان له هه‌ر سێ میحوه‌ری باكوور، باشوور و رۆژهه‌ڵات شاره‌كه‌یان گه‌مارۆداوه.
هه‌روه‌ها ئه‌و ئه‌فسه‌ره‌كه گوتی: ئه‌و هێزانه بۆ ئه‌وه خۆیان ئاماده‌كردووه، له چه‌ند كاتژمێری داهاتوودا هێرش بكه‌نه سه‌ر شاری عانه به ئامانجی ئه‌وه‌ی كۆنتڕۆڵی بكه‌نه‌وه.
كوردستان تیڤی: ئا/ رزگار تاهیر
کۆمێنت (0)
تا ئێستا هیچ کۆمێنتێک نەکراوە.