گەشتە ئاسمانییەکانى نێوان عێراق و ڕوسیا دەستیپێکردەوە کە 13 ساڵە ڕاگیراوە.
پێشنیوەڕۆی رۆژی یه‌كشه‌ممه یەکەم فرۆکەى مەدەنى لە فڕۆکەخانەى بەغداوە بەرەو مۆسکۆ فڕی و بەمەش گەشتە ئاسمانییەکانى نێوان عێراق و ڕوسیا دەستیپێکردەوە کە لە ساڵی 2004وە تا ئێستا ڕاگیرابوو.
سێرگی ئیزۆفلسکی وتەبێژى دەسەڵاتى فرۆکەوانى ڕوسیا ڕایگەیاندووە، گەشتەکان بەردەوام دەبێت و ئەمەش ئاماژەیەکە بۆ ئەوەى کە لەمەولا هاوڵاتیانى ڕوسی دەتوانن سەردانى عێراق بکەن و وڵاتەکە کەشێکى ئارامی هەیە.
هاوکات لەگەڵ هێڵی بەغدا ـ مۆسکۆدا هێڵی بەسرە ـ مۆسکۆش کراوەتەوە، بەڵام تا ئێستا هیچ گەشتێک لەوێوە ئەنجامنەدراوە.
کۆمێنت (0)
تا ئێستا هیچ کۆمێنتێک نەکراوە.