حکوومەتی بەریتانیا ئاستی ئامادەباشیی هێزەکانی بەرز دەکاتەوە و هێزی زیاتر لە شارەکانیدا بڵاو دەکاتەوە.
تێرێزا مەی، سەرۆک وەزیرانی بەریتانیا رایگەیاندووە، کە تیرۆر لە بەریتانیا گەیشتووەتە ئاستێکی خراپ و گومانی هێرشی تیرۆریستیی دیکە هەیە.
ئەو لێدوانەی تێرێزا مەی و بڕیاری حکوومەتی ئەو وڵاتە بۆ بەرزکردنەوەی ئاستی ئامادەباشیی هێزەکانیان دوای هێرشە تیرۆریستییەکەی میترۆی لەندەن دێت، کە ژمارەیەک قوربانی لێ کەوتەوە.
هێرشەکە سەرلەبەیانیی رۆژی هەینی 15/9/2017 کرایە سەر میترۆی لەندەن لە ناوچەی پێرسونز گرین و بووە هۆی برینداربوونی 29 هاووڵاتی.
دوای هێرشەکە، رێکخراوی تیرۆریستیی داعش بەرپرسیارێتیی خۆی لە هێرشەکە راگەیاند.
کۆمێنت (0)
تا ئێستا هیچ کۆمێنتێک نەکراوە.