پۆلیسی هەولێر راگەیەنراوێك لەبارەی ڕووداوی كوشتنی ئافرەتێك بەناوی سەوسەن ئیبراهیم محەمەد لەلایەن هاوسەرەكەیەوە لە گوندی پیڕەشی شاری هەولێر بڵاو دەكاتەوە.
پۆلیسی هەولێر لە راگەیەنراوەكەدا دەڵێت: ئەمڕۆ چوراشەممە کاتژمێر 1:30ـی پاش نیوەڕۆ، ئاگادار کراینەوە لە ڕووداوێکی کوشتن لە گوندی (پیرەش) سەر بە سنووری بنکەی پۆلیسی کەسنەزان.
هەروەها رایگەیاند: دوای ئاگاداركردنەوەكە، دەستبەجێ مەفرەزەکانی پۆلیس گەیشتنە شوێنی مەبەست، دەرکەوت کە ژنێک بە ناوی (سەوسەن ئیبراهيم محەمەد) لەلایەن هاوسەرەکەیەوە بە ناوی (إ، إ، م) بە چەقۆ کوژراوە.
پۆلیسی هەولێر راشیگەیاند: لە دوای ئەنجامدانی تاوانەکە، تۆمەتبار لەلایەن مەفرەزەی بنکەی کەسنەزان بە هاوکاریی پۆلیسی فریاکەوتن دەستگیر کرا.
جەختیشی كردەوە كە تا ئێستا لێکۆڵینەوەكان لەسەر ڕووداوەکە لەلایەن پۆلیسەوە بەردەوامن.
کۆمێنت (0)
تا ئێستا هیچ کۆمێنتێک نەکراوە.