سوپای پاسدارانی ئێران هەڕەشەی وەڵامدانەوەیەكی توند بۆ بۆردومانکردنی دوورگەی لارک لە پارێزگای هورمزگان لە باشووری ئێران دەكات.
سوپای پاسداران لەبارەی هێرشەكە ڕایگەیاند: دەستدرێژیی دوژمن بۆ سەر دوورگەی لارک بە سزادانی توندی دەستدرێژکار وەڵام دەدرێتەوە.
سوپای پاسداران دانی بەوەشدانا كە لە ئەنجامی هێرشەكە، ژمارەیەك چەكدار و هاووڵاتییان كوژراون.
ئەمشەو یەكشەممە بە دوو مووشەك هێرشكرایە سەر دوورگەی لارك لە پارێزگای هورمزگان لە باشووری ئێران. میدیاكانی ئێران رایانگەیاند كە هێرشەكە كوژراو و برینداری لێ كەوتۆتەوە.
هەر ئەمشەو یەكشەممە بەرپرسێکی ئەمریکی ئاشكرای كرد كە هێرشەكە لەلایەن ئەوانەوە ئەنجامدراوە و بە دوو مووشەك سوپای پاسدارانیان لە دوورگەی لارک لە باشووری ئێران بۆردومان کردووە.
کۆمێنت (0)
تا ئێستا هیچ کۆمێنتێک نەکراوە.