بەهۆی ڕووداوێکی سەختی هاتوچۆ لە ڕێگای سەرەکیی کۆیە – تەقتەق، کەسێک گیانی لەدەست دا و سێ کەسی دیکەش بریندار بوون.
درەنگانی شەوی ڕابردوو، ڕووداوێکی سەختی هاتوچۆ لە جۆری پێکدادان لەنێوان دوو ئۆتۆمبێل لە ڕێگای سەرەکیی کۆیە – تەقتەق لە نزیک گوندی شیلە ڕوویدا و قوربانی لێ کەوتەوە.
بەپێی زانیارییەکانی کانیاو حەکیم، پەیامنێری کوردستان تیڤی لە کۆیە، بەهۆی سەختیی ڕووداوەکەوە شۆفێرێک گیانی لەدەست داوە و شۆفێری ئۆتۆمبێلەکەی دیکە و دوو سەرنشینیش بریندار بوون و بۆ وەرگرتنی چارەسەر گواستراونەتەوە بۆ نەخۆشخانە.
شۆفێرە کۆچکردووەکە ناوی (ئەیاد ئیسماعیل ئەحمەد گەرمکی)ـە و دانیشتووی شارۆچکەی تەقتەقە.
کۆمێنت (0)
تا ئێستا هیچ کۆمێنتێک نەکراوە.