بەرێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی 48 کاتژمێری داهاتووی خستەڕوو و ڕایگەیاند، پلەی گەرما بەرز دەبێتەوە.
ئەمڕۆ چوارشەممە 17ـی حوزەیران، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمانی هەرێم بە گشتی ساماڵ و پەڵە هەور دەبێت. پلەی گەرما بەراورد بە دوێنێ 2 بۆ 3 پلە بەرز دەبێتەوە. ئاراستەی با بەرەو باکووری ڕۆژئاوا و خێراییەکەی لە نێوان 10 بۆ 20 کم/ک دەبێت، مەودای بینینیش 8 بۆ 10 کم دەبێت.
بۆ سبەی پێنجشەممە 18ـی حوزایران، بە پێی پێشبینیەکانی کەشناسی ئاسمان ساماڵ دەبێت لەگەڵ دروستبوونی هەندێک پەڵە هەوری جیاجیا. پلەی گەرما بەراورد بە ئەمڕۆ 1 بۆ 2 پلەی دیکە بەرز دەبێتەوە. خێرایی با لەسەرخۆ دەبێت و لە نێوان 5 بۆ 15 کم/ک دەبێت.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | چوارشەممە | پێنجشەممە |
| هەولێر | 40 | 41 |
| سلێمانی | 37 | 39 |
| دهۆک | 39 | 40 |
| هەڵەبجە | 40 | 41 |
| زاخۆ | 39 | 40 |
| گەرمیان | 42 | 43 |
| پیرمام | 35 | 37 |
| چەمچەماڵ | 39 | 41 |
| حاجی ئۆمەران | 27 | 28 |
کۆمێنت (0)
تا ئێستا هیچ کۆمێنتێک نەکراوە.