بەڕێوەبەرایەتیی بەنداوی دهۆک هۆشداری دەداتە هاووڵاتییان کە مەلەوانی و لێخوڕینی ماتۆڕی ئاوی لەناو بەنداوەکانی سنووری پارێزگاکە قەدەغەیە و هەر کەسێک سەرپێچی بکات ڕووبەڕووی یاسا دەبێتەوە.
ڕۆژی دووشەممە 4ـی ئایار، بەڕێوەبەرایەتیی بەنداوی دهۆک لە ڕاگەیەندراوێکدا ئاگاداری سەرجەم هاووڵاتییانی کردەوە کە لەپێناو پاراستنی گیانیاندا، مەلەوانی لەناو ئاوی بەنداوەکانی (دهۆک، خنس و کەشکان) قەدەغەیە.
لە بەشێکی دیکەی ئاگادارییەکەدا هاتووە، لێخوڕینی ماتۆڕی ئاوی (Jet Ski) لەناو بەنداوەکاندا بە هەموو شێوەیەک قەدەغە کراوە و هیچ کەسێک مۆڵەتی بەکارهێنانی ماتۆڕ و مەلەوانیی نییە. بەڕێوەبەرایەتییەکە جەختی کردووەتەوە، لە ئەگەری پابەندنەبوون، ڕێکاری یاسایی توند بەرامبەر سەرپێچیکاران دەگیرێتەبەر.
کۆمێنت (0)
تا ئێستا هیچ کۆمێنتێک نەکراوە.